港樓價飛越癲峰
近期香港樓市股市風起雲湧，美股急跌那個晚上，筆者非常榮幸得到細價樓爆煲論主角人氣勁過劉華的湯博士邀請小弟晚宴，同桌有網主及求叔（陸振球先生）話題當然離不開近期樓股轉角市已經出現，香港股市（近年新底25/8/15恆指21500點）及樓市開始下跌，更加有世界貨幣大戰，特別在亞洲。記得食飯未食到一半，美元兌日圓急彈，半小時日圓升幅近5%，近年來淨係聽過日圓跌，都未聽過日圓升，呢次急升係近年首次，而人民幣升左好多年而家掉頭開始跌。講到香港樓市及股市方向有三位大師級專家在場，筆者就豎起耳朵偷師學習，聽君（湯博士）一席話勝讀十年書，總括湯博士一句：衹要有實力市場風高浪急一樣可以輕鬆過關，重點係不要購買力透支，意思係借錢投資一定要量力而為！
筆者跟博士囗水尾，買樓一定要量力而為，特別係海外投資物業，以筆者看到香港人到海外置業，大部份一般都係專業人士，主觀力強，比較多家庭客（有小朋友）年紀大約30-55歲之間，而呢類中產朋友，就是香港樓市所謂的剛性需求的用家，而以上朋友重視規劃人生，喜歡投資未來，因為香港樓價貴，投資物業門檻高收租回報少唔啱數，越來越多人向外發展(投資物業)，吸引到世界各地的發展商來香港賣樓促銷。
以筆者上星期在港島區怡東洒店舉行海外物業投資講座，同一間酒店，同一層巳經有五個hall 舉行同類型活動，一間酒店已經有幾個海外物業項目有亞洲，歐洲，美加，澳紐等，筆者估計九龍同港島區的4、5星級酒店同一時間有數十個海外物業正在舉行促銷，以筆者自己經驗，兩天便促成多個海外物業涉及金額達港幣三仟萬，根據非正式統計，相信本月海外物業銷售金額過億元港幣！以前香港97好環境，都冇咁多香港人投資海外物業，淨係怕回歸大陸，避走移民去美加自用先買樓，2015年這個情況實在是香港人到外地投資買世界樓，價同量同樣是創新高！歸根究底都是香港樓價就快成為是世界之最（貴），筆者剛剛到步東京，回想90年代的東京樓價也是世界之最！