News

近日東京天氣回暖，12月初曾經下過十多分鐘的雪，而聖誕節溫度白天約8～9度，晚間約3～4度，本月筆者第二度返東京，月初因出席新宿旗艦店開幕及舉辦大型香港旅行團到訪東京食住玩睇樓，而呢次返東京主要目的，係分擔同事工作，因為駐東京新宿旗艦店的團隊衹有十多人，日日忙於接待港人到東京看樓，約盤、offer、成交、跑法務局、區役所等大量工作。
筆者為了尋找東京優質一、二手房源，近日見了幾家發展商，及幾個不動產協會會長，提升直接溝通對接囗，找對貨，找對人，甚至直接拉隊拜訪日本人業主，展示香港公司歴史背景，及東京新宿旗艦店資料，當然不少得送一本筆者剛剛出版的「40萬東京做業主 – 日本置業全攻略」新書給日本業主，務求當地得到業主信任及委托。
讀者可能奇怪，點解業主賣樓，地產中介要請求業主放盤？因為日本人比較嚴謹，處事認真，守時、守法，比較人性化，不是單從金錢角度為出發點。用香港傳統市況，市靜求客，市旺求盤，成交慣例靜市鋤價，正所謂一鳥在手，百鳥在林，而旺市追價，往往出現一盤難求。而日本業主最關心嘅係，放盤比中介信唔信得過，因為日本業主習慣祇委託放盤比一、兩家地產中介而已，唔似香港習慣放通街，所以業主要覺得你有信心幫佢賣到，先會直接放比你，否則都係靠行家合作方法做。其實在東京行家合作都冇所謂，但最大問題係日本中介好多時在公眾假期放假，而香港習慣係冇休息，意思係一位同事休息，另一位可以頂替，而東京不動產文化係放假日全部同事都放假。 歸根究底原因在日本人平時瘋狂加班，平均每晚閒閒地加班三、四小時，加上返工及下班時間好多都需要坐超過兩小時的車程才能來回公司，返工交通時間長，每天加班，就像一條橡筋拉得太行，必須放假儲電。 這模式驅使筆者注入香港拼搏精神：年中無休，公眾假期也可以直接聯繫日本人業主傾談交易，通行無阻，促進更緊密不動產關係，任何offer或成交、簽約，衹要找到一位願意上班的司法書士便可以直接了當簽署不動產契約，一年365日都可以不停運作業務。