投資大馬忘不了你（二）
第三日戲肉呀約左李宗偉打羽毛球及同肥媽食飯，一早在馬六甲酒店check out,去左看一個馬六甲全新的大型房地産發展商項目，700呎實用面積約50萬馬幣（90多萬港幣）仲可以做一半貸款非常便宜，中午在馬六甲市中心一家由台灣人經營的飯店食台灣菜，別具一格非常啱華人口味，食完之後馬上回程吉隆坡，到達吉隆坡酒店，人人都快手快腳更換運動服或羽毛球裝備，準備跟偶像合照，因為約左李宗偉各人心情都好緊張，從酒店去大鼻河飯店（大鼻河飯店出名食淡水魚，馬來西亞魚王忘不了更非常罕有）約十五分鐘車程便到達飯店，一到步已經見到香港大明星肥媽（Maria Cordero），香港客人特別覺得有親切感，逐一介紹打招呼，約十多分鐘後千呼萬喚始出來主角終於到場了，前羽毛球世界冠軍馬來西亞一哥拿督李宗偉同助手一起坐下來，筆者充當司儀逐一介紹三圍台各位友好VIP及朋友仔們，李宗偉真人比較瘦，慢熱及有點害羞， 筆者即慶説今晚係忘不了李飯局，肥媽更正係忘不了(馬來西亞魚王)李（李宗偉）阿媽（肥媽）飯局，幸得肥媽懂得搞氣氛，肥媽為女中豪傑説話風趣幽默逗得所有人開懷大笑快速融合起來，坐中食得最開心者，非湯博士莫屬，因為世紀之戰（打羽毛球）即將開始，食完飯後，所有人都瘋狂同李宗偉及肥媽合照，之後大家坐20分鐘車程到逹李宗偉體育館， 世紀之戰即將開始，第一場湯博士對李宗偉，今場係友誼賽打七分制，仲玩埋facebook直播，始終面對羽毛球前世界冠軍，湯博士壓力非常大，好在都從世界冠軍手上拿到一分，七比一完埸，之後湯博士話唔夠喉，要玩雙打又係打七分制，捉左筆者落場，變成湯文亮拍李宗偉vs楊官拍馬輝（博士得力助手）打羽毛球雙打，筆者早料到有此一著，在香港苦練成個星期羽毛球，點知一落場打，面對李宗偉發球過來，身體五臟六腑翻騰，雙手梗哂，對腳震過貓王，莫名其妙的害怕，唔洗介紹detail都知7:0，玩完之後筆者買左幾塊由一哥李宗偉做代言人的YY羽毛球拍比李宗偉作親筆簽名，之後送比團友馬上爆發開心搶球拍戰，體育館樓上剛巧有個電視台直播賽事，李宗偉邀請我們三十多人上去看羽毛球正式比賽。
今晚真係好正好開心可以同前世界冠軍羽毛球一哥打羽毛球又食到馬來西亞魚王忘不了，又同肥媽同枱食飯，真係獲益良多。筆者最開心滿足就係各位來自日本及香港的團友都大讚邊玩邊食邊投資馬來西亞旅行團原來咁好玩咁開心兼買到心頭好（房産）真係過癮。2016年1月23 & 24號首場邊玩邊食邊投資馬來西亞房地産講座於銅鑼灣告士打道281號怡東酒店3樓怡禮閣舉行.歡迎大家參加，多多指教。
查询www.c21-tokyo.com
facebook.com/c21tokyo
facebook.com/c21malaysia