News

有一位小王子是香港車壇改裝高手，佢喺世界各地都有投資房地產、飲食、貿易等。輾轉嚟到日本買樓投資，獨具慧眼嘅小王子更加挑剔，佢好快揀中咗間位於涉谷繁盛經營緊意大利餐廳的地鋪，日本同事阿進即刻坐火車過去視察餐廳晚市及人流，仲叫左個意大利粉食試下好唔好食，而最重要任務係影相，錄影拍片whatsapp比小王子。舖位叫價一億日元，佢殺價一千萬日元，還價九仟萬日元即刻入offer，當場被拒絕，於是佢再加返500萬日元再傾，offer ¥9500萬日元，三日後被拒。由於太鍾意，超出預算都在所不惜，卒之意識到日本樓冇價講既小王子全額再入offer – 1億日元，諗住實食冇黏牙，點知一個星期後業主停止放賣（可能係業主覺得有利可圖，想反價）。我地堅持唔放棄，打算去同業主見面以表誠意，不過最終被業主婉拒，就此宣告交易失敗。

正所謂失敗乃成功之母，咁啱又有間六本木的特色紅酒bar出現，當然阿進馬上再去現場視察環境，呢次另一位駐日同事Kelvin開車送阿進去，沿途Kelvin同阿進已經想盡方法，點樣可以唔打草驚蛇，出奇制勝一擊即中。去到鋪位現場，地段似中環蘭桂坊格局，阿進即時影相whatsapp比小王子，對於日本買賣規矩由開始初步了解到瞭如指掌的小王子深知時間的重要性，只有offer咗排第一位，價錢可以慢慢咬上去，鋪位叫價9500萬日元，又殺價1千萬即入8500萬日元offer。由於業主急出、同意並要求儘快成交，小王子大喜、我地當然也積極配合促成。點知兩日後業主收到第二個offer、比我地出多500萬日元，即係9000萬日元，小王子大急，馬上比到9000萬日元，又過咗三日，第二手加到全額¥9500萬日元，小王子迫上梁山豁出去啦，過埋原定底線再加到全額到9500萬日元，心諗一定掂啦！呢個時候第二手有超額提價購入的意欲，雖然日本人講原則，守規矩，排第一有優先購買和議價的權利，但係利益當頭業主反價賣亦都無可厚非。正喺我地既憤怒又猶豫好驚失信於人怕又會令到小王子空歡喜看到心頭好被人奪去，仲諗緊對策點樣可以戰勝對手的時候，突然收到業主電話，話第二手放棄，應承賣俾我地。半信半疑，心驚膽顫中卒之完成了簽約，並很快closing埋，Kelvin同阿進感覺好似打完勝仗，成身散曬，卒之放下心頭大石，不過所得到的滿足感，非筆墨所能形容，不負所託得到客人信任的成就感非常良好。

小王子得償所願購入心水旺鋪，雖然超出預算，但係佢對東京樓市升值潛力非常睇好，而且買到心頭好，都好感激我地公司幫到手，之後又買多兩間。其實目前東京樓市因奧運等利好因素升值緊既事實眾所周知，一向好講原則既日本人有時都敵唔過金錢的誘惑。