日圓抽升Vs 80萬億量化寬鬆
近期日圓匯價上升，兌換美元重返106，即港元約7.3兌換100日圓，對於熱愛去日本旅行消費血拼的哈日族可能是個壞消息！但對於投資日本樓已經買左的朋友肯定是好消息！因為收日本樓租金可以賺滙水，兌換價升即係收多左租金，而正在想投資日本房地產的朋友會否因為日圓匯率升而打退堂鼓呢，筆者看到客戶反映情況又不受太大影響投資意欲，反而多左申請樓宇貸款個案，原因是日本正在抄襲瑞士推行負利率政策，存款放在銀行是沒有利息的，政策迫市民揸cash投資抗通漲，而日本政府剛剛宣布每年維持80萬億日圓量化寬鬆政策，即是保持年年印6萬億港幣推動經濟，究竟港幣6萬億是幾多錢？可以買幾多物業？以較早前中國內地企業來香港買左幢100億嘅商業大廈，已經是香港少有的巨額成交個案（屬世紀大鵰）即係要買600幢才6萬億港幣，日本年年印咁多銀紙，居然日圓唔貶值反而仲狂升，試問一下，香港是世界石屎森林之最，市場上都冇金多全幢房源賣，日本東京都首都圈大部份建築樓面的總面積，整體都比香港少很多，特別是摩天大廈東京寥寥可數，世界各地量化寬鬆政策磚頭物業都會升值。問題係日本樓最終極價值在永久權地皮，可以說位置決定成敗，升多升少睇Location而已！
人民幣貶值，日圓升值，筆者觀察內地近期有跡象顯示有輕微走資情況。內地資金走到日本目的何在？除左買物業之外，仲多左中國人到日本營商，特別在東京，筆者認識有位80後上海人，來東京衹有幾年時間，已經在歌舞伎町開了6-7間食肆，近年中國遊客勁升，帶動呢位80後做生意營業額爆升，仲有腳底按摩，藥店，旅遊公司，體驗公司等等都係中國人去開的，筆者香港有位老友是兩家餐廳的老闆都同筆者表示要幫手找間靚鋪，殺入去東京做港式茶餐廳。筆者在日3-4年，非常期待有一家正宗港式茶餐廳，嘆下正宗香港絲襪奶茶。
查詢www.c21-tokyo.com