News

2015年剛剛完結，回顧去年筆者六次負責帶邊玩邊食邊投資馬來西亞的房地産考察團，今次行程可以話係史冇前例咁精彩， 重量級嘉賓有近期紅透財經界有樓神股神之稱的爆煲論主角湯文亮博士及資深投資者羅珠紅先生外，仲邀請到前世界羽毛球冠軍馬來西亞一哥拿督李宗偉一起打羽毛球，更首次品嘗到馬來西亞魚王（忘不了） 剛巧肥媽（Maria Cordero)在雲頂登台，專登飛車來吉隆坡大鼻河飯店一起晚宴，呢餐飯叫做忘不了（魚王）李（李宗偉）阿媽（肥媽）飯局。肥媽真人豪邁奔放性情中人妙語連珠，加上肥媽老公牛一即場慶祝，三圍台熱閙到不得了，精彩非常。

因為聖誕假期及新年關係機票非常緊張，今團用左四個不同航班不同航空公司同一日飛去吉隆坡機埸，有兩班機來自日本東京分別係ANA航空及JL航空,及兩班機分別來自香港國泰航空CX及Air Asia,而坐國泰VIP都是乘坐商務客位，不幸地CX延誤3個小時，好彩VIP都在國泰LOUNGE打發時間，而馬來西亞那邊團隊就辛苦了，由早上六點開始接我們四架飛機，足足等到黃昏六點先後接齊人，大馬年青人幹勁十足，佔國家大多數人口，怪不得係零失業率，我們一行三十多人，有一半客人來自東京，一半來自香港，日本同事告訴筆者，目前最受日本人歡迎買的海外物業，高檔首選有美國夏威夷，而次選係馬來西亞同泰國。呢次日本及香港客人都選擇購入吉隆坡市中心地王的皇牌豪宅可以話係全吉隆最靚豪宅700多呎細單位售價約200萬馬幣，大單位1200多呎實用面積售價約300多萬馬幣。點解選擇市中心地王？始終係LOCATION,LOCATION,LOCATION 啦。加上馬幣兑換率創18年新低，單單2015全年，馬幣下跌超過20%，最低曾經試過Hkd$1.75港元兑換Rm$1馬幣,美元同港元掛勾造就港元強勢買大馬樓打折。

講返行程先，第一日到步吉隆坡已經七點要食晚飯，呢次去左鳳城酒家係正宗馬來西亞地道菜，個個食到讚不絕口。食完晚飯先去榴酒店check in，宵夜去左吉隆坡不夜天阿羅街食新鮮榴槤，真係好滿足。

到第二日一早就去馬六甲，第一站係馬六甲高爾夫球會所午餐，第二站參觀馬六甲觀光塔，之後看發展商一手項目小杜拜，仲坐水陸兩用船瞭解馬六甲海峽鄭和下西洋故事，再到古董街雞場手信街遊歷，晚上到馬來西亞合作伙伴拿督的招待所4、5000呎豪華別墅食聖誕大餐兼卡拉ok,數十支紅酒白酒狂風掃落葉一掃而空，個個半醉搶咪爭唱歌，盡興而回返酒店，第三日戲肉呀！約左李宗偉打羽毛球及同肥媽飯局，篇幅有限下回待續。

查詢www.c21-tokyo.com

facebook.com/c21malaysia

facebook.com/c21tokyo